لم تجد مأوى يحميها من قسوة العالم
______________________
(الفصل الثاني)
_لسة فية جزء ناقص ماما مش راضية تحكية لحد
=أية هو!!
_أخويا خالد خبط نور بالسكينة قبل ما تنتحر
=أزاي طب و خطيبتة
_كل الي أعرفة إن خالد خبط نور في بطنها قبل ما تنتحر و طلع يجري من الشقة و بالنسبة لتقي فالسكينة عليها بصمات نور و تقي قالت فية واحد جية و خبطها في بطنها معرفش مين دة الي هيحاول يقتلها بس دة الي قالتة في التحقيق
_أنا شوفت السيناريو دة
=ما أنا سمعتكو أنتِ بتقولي لماما إنك شوفتية و هو بيجري أنا معنديش تفسير ل أزااي شوفتية و هو أصلاً في المصحة بس كان لازم أوضحلك الصورة
_شكراً يا عمرو
=متشكرنيش أنا هساعدك عشان لما نور دية متظهرلكيش تاني ساعتها أخويا هيرتاح و هيتعالج
_سؤال هو أنتوا عرفتوا الكلام دة كلة منين
_خالد الي كان بيقول لماما بعد ما شكت فية و في نور
_خالد !!ماشي هبقي أكلمك لو لقيت حل سلام
أعظم فيلم شوفتة بجد قصة عجيبة و أنا مبقتش فهماها معرفش نور دية كانت بتفكر أزاي و خالد دة زيي ما عيلتة بتحكي عنة ولا لا؟
و أنا طالعة ع سلم لقيتها….نور كانت واقفة مستنياني بفستان فرح و علية دم كان شكلها عادي بس كانت بصالي بانكسار دخلت الشقة دخلت وراها و أنا مش عارفة أزاي ماشية ورا روح مجرد روح أو خيال مش عارفة ممكن عفريتة!!
_أنتِ عايزة أية بظبط!!نور سيبي خالد في حالة
بصتلي بغضب و فضلت ساكتة
_قوليلي أنتِ عايزة أية و أنا هساعدك
لقيتها شاورتلي على أوضة دخلتها و كان واضح إنها أوضتها من صورها و لون الاوضة
_أعمل أية بقة !!
شاورتلي على دولاب و أختفت
قعدت أدور في الدولاب لغايت ما لقيت صندوق و كان فية مذكرات نور أخدت المذكرات و دخلت شقتي حاسيت إني تعبت أنا لية بدور وراها أصلاً دية واحدة أنا معرفهاش …..منى!!!منى كانت عرفاها لازم أسئلها
_منى ينفع أدخل
=أتفضلي
_كنت عند الست نعمة
=لية
_كنت بسألها ع نور
بصتلي و عيطت أنا عارفة منى بقالي سنتين بس الخمس شهور اللي أتجمعنا فيهم خلوني أحس إن فيها حاجة بتخليها ساكتة بالشكل دة و علطول مستقوية
_أنا عايزة أفهم يا منى أنتِ الوحيدة الي تعرفي نور بجد أحكيلي
=متصدقيش حد يا مروى
_مصدقش مين!!
=اي حد يقولك حاجة ع نور كلهم كدابين و بوشين أنتِ ممكن متصدقنيش بس فية دليل و هي مذكرات نور هتعرفي منها كل حاجة
_المذكرات معايا
=أزاي!! دية مقفولة بقفل
_لا كانت مفتوحة!!
=نور الي قالتلك
_اة
=مش لازم أحكيلك اقرأي أنتِ و هتعرفي مين الصح و مين الغلط هتحسي بيها صدقيني
_نور كانت كويسة !
=نور احسن بنت في الكون بس الدنيا جت عليها و مسابتهاش في حالها كلهم كانوا بيستغلوها
_و عم عبدالله
=راجل واطي كل هامه صورته قدام الناس و فلوسة تكتر
_طب و ست نعمة و عمرو
=فسروا الي شافوة على مزاجهم و وقفوا جمب أبنهم بس مفهموش الحقيقة ومحاولوش، أنا عارفة إن عمرو أتقرب منك و بيحبك بس أبعدي عنه العيلة دية مبيجيش من وراها غير الخراب
رجعت أوضتي و أنا مقررة إني هنام و أقرأ المذكرات بكرا لاني مش مستحملة كل دة
نفس الخناقة صحيت عليها قومت بصيت من شباك المطبخ لقيت نور واقفة بس المرادي كانت بتتخانق مع عم عبدالله و ضربها بالحزام جامد و هي فضلت تعيط سابها و مشي و هي قامت و كلمت حد في التليفون كانت بتقولة :-أنت قولتلي إنك هتتقدملي و تنقذني من العذاب دة!
أنت كنت بتضحك عليا صح قول و والله ما هزعل بس صارحني أنا مبقتش حمل كدب كفاية خالي …..لا لا أنت قولت من شهرين إنك هتقول لخالي بس…….بطل كدب بقة….و خطيبتك !…..كفااااية كفااااية مش عايزة أسمع صوتك تاني أنت فاهم…..
قفلت معاة و بعديها أختفت
الي كانت بتكلمة دة أكيد خالد بس معقول كان بيضحك عليها و خالها كمان! أنا مش فاهمة حاجة
جبت المذكرات و أبتديت أقرأها و كان مكتوب فيها كالأتي:-ماتوا و سابوني لوحدي و خالي كل هامة الفلوس أخد كل الفلوس الي بابا و ماما سايبينهم بحجة أنه هيربيني بيهم و هعيش معاة و مقدرتش أتكلم لاني خايفة أعيش لوحدي…..
تاني صفحة:- أنا عايشة عشانه هو و بس بيحبني و بيخاف عليا جداً
تالت صفحة:- خالد طلع خاطب مش مصدقة أنه كان بيضحك عليا و مامته قالتلي لازم أبعد عنه
رابع صفحة:- أنا لسة بحبه و مش عارفة أعمل أية هو الي بيعوضني عن قساوة خالي بيخرجني و بيهتم بوجودي
خامس صفحة:- هو كداب و هيفضل كداب بيكرهني أنا و تقي خطيبتة بيستغلنا و بس
سادس صفحة:- جالي أنهاردة و كان بيزعق معايا و لما قولتلة يسيب خطيبتة هو سكت
سكوتة عرفني أنه طماع و بس و مبيعرفش يحب أصلاً
سابع صفحة:- بابا و ماما قالولي في الحلم إني هجيلهم قريب أنا مش خايفة هما وحشوني اووي
مقدرتش أكمل و نمت و بعديها منى الي صحتني
_صباح الخير أنا لاحظت المذكرات في أيدك أنتِ قرأتيها!
_صباح النور، اة قرأت كام صفحة كدة بس هي كاتبة كلام قليل في كل صفحة!
_نور مكانتش بتحب تتكلم كتير كانت بتقول جملة بتلخص مشاعرهازوصلتي لفين بقة
_لغايت ما هي عرفت أنه خاطب و مكنش راضي يسيبها في حالها
_اة في الفترة دية نور كانت منهارة المهم أنا مش هنزل أنهاردة عشان عايزة أقعد معاكي
_تقعدي معايا أنا!
_معاكوا عموماً حاسة إني بعيد عنكوا أو بعيدة عن كل الناس، مكنش ليا غير نور بعد وفاة بابا و ماما و هي مكنش ليها غيري بس أهية سابتني يلا نفطر
_ماشي
منى مكسورة جداً من جواها و كمان أنا و رضوي و نرمين مع بعض دايماً و هى بعيد، لازم أقربها مننا و كمان أحاول أحل مشكلة نور و أفهم اللغز دة
كنا قاعدين بنفطر
_نرمين
_نعم يا مروى
_شوفتي حاجة غريبة تاني !!
نرمين بصتلي بتوتر و بصت في الطبق و سكتت
_شوفتي حاجة متخبيش عليا
_اااا ااة
_شوفتي أية !
